ரெய்டுக்கு தி.மு.க., ஏன் சமரசம் செய்யணும்; கேட்கிறார் முதல்வர் ஸ்டாலின்
சென்னை: ''அ.தி.மு.க., ஆட்சியில் நடந்த டாஸ்மாக் முறைகேடுகள் தொடர்பான எப்.ஐ.ஆர்.கள் சம்பந்தமாக அமலாக்கத்துறை நடத்திய ரெய்டுக்கு தி.மு.க. ஏன் சமரசம் செய்ய வேண்டும்?'' என முதல்வர் ஸ்டாலின் கேள்வி எழுப்பி உள்ளார்.
அவரது அறிக்கை: தமிழகம் எப்போதும் இந்தியாவின் வளர்ச்சிக்கான குருதியோட்டமாக இருப்பதை நாடு நன்கறியும். அரசியல் நிலைப்பாடு என்பது வேறு. அரசுடன் நாட்டின் நலன் கருதி ஒத்துழைப்பது என்பது வேறு. அந்த வகையில்தான், பிரதமர் தலைமையில் நடைபெற்ற இந்தியாவின் எதிர்கால வளர்ச்சி குறித்த ஆலோசனைக் கூட்டத்தில் பங்கேற்றேன்.
மாநில உரிமை
மிரட்டலுக்கு அடிபணிந்து கட்சியை அடமானம் வைக்கும் வழக்கம் நம்மை விமர்சனம் செய்பவர்களின் தனிப்பட்ட உரிமையாக இருக்கிறது. நமக்கோ, மாநில உரிமையே முதன்மையானதாக உள்ளது. அதில் எவ்வித சமரசமுமின்றி, நீதிமன்றத்தில் சட்டப்போராட்டத்தை நடத்தி வெற்றி கண்டு வருகிறோம்.
தி.மு.க.,வுக்கு குறி!
அமலாக்கத்துறை, வருமானவரித்துறை, சி.பி.ஐ. போன்றவை தி.மு.கவினரைக் குறி வைத்ததுபோல இந்தியாவில் வேறு எந்தக் கட்சியையும் குறிவைத்ததில்லை. அ.தி.மு.க. ஆட்சியில் நடந்த டாஸ்மாக் முறைகேடுகள் தொடர்பான எப்.ஐ.ஆர்.கள் சம்பந்தமாக அமலாக்கத்துறை நடத்திய ரெய்டுக்குத் தி.மு.க. ஏன் சமரசம் செய்ய வேண்டும்? எத்தனை முறை விளக்கமளித்தாலும் எதிரிகள் பழைய மாவையே புளிக்கப் புளிக்க அரைத்துக் கொண்டிருப்பார்கள்.
பொதுக்குழு
திருந்தவோ, வருந்தவோ மாட்டார்கள். தமிழக மக்கள் அவர்களை விரும்பவும் மாட்டார்கள். 2026ம் ஆண்டு சட்டசபை தேர்தலிலும் தி.மு.க., ஆட்சியே தொடரும். எதிரிகளின் எதிர்பார்ப்பைத் தவிடுபொடியாக்கும் தி.மு.க.,வின் நிலைப்பாட்டை உரக்க வெளிப்படுத்தவும் கூடல் நகரில் பொதுக்குழு கூடுகிறது. மதுரை பொதுக் குழுவுக்கு உங்களில் ஒருவனான நான் ரெடியாகிவிட்டேன். இவ்வாறு ஸ்டாலின் கூறியுள்ளார்.
இது குறித்து முதல்வர் ஸ்டாலின் சமூக வலைதளத்தில் வெளியிட்டுள்ள பதிவில் கூறியிருப்பதாவது: டில்லிக்குச் சென்றேன்; தமிழகத்தின் உரிமைக்குரலை எழுப்பினேன். ரெய்டுகளுக்குப் பயந்து சொந்தக் கட்சிக்காரர்களுக்குக்கூட தெரியாமல் டில்லி சென்று கட்சி அலுவலகத்தைப் பார்வையிட வந்தேன் என ஊடகங்களிடம் கூறி பல கார்கள் மாறி கட்சியை அடமானம் வைத்துவிட்டு வரவில்லை.
டில்லி என்றாலே கிலி பிடித்து அஞ்சி நடுங்கும் எதிர்க்கட்சியினரின் அடி வயிற்றில் புளியைக் கரைக்க வாயிலும் வயிற்றிலும் அடித்துக் கொண்டதை ரசித்தபடியே டில்லி பயணம் அமைந்தது.
பஹல்காம் பயங்கரவாத தாக்குதலின் போது சென்னையில் பேரணி சென்று ஒற்றுமைக்குரல் எழுப்பினேன்!
நாட்டின் நலனை எப்படி தி.மு.க. விட்டுக்கொடுக்காதோ, அதுபோல மாநில உரிமைகளையும் ஒருபோதும் விட்டுக் கொடுக்காது என நிடி ஆயோக் கூட்டத்தில் உரையாற்றினேன்!
தமிழகத்தின் நலன் காத்திடவும், மாநில உரிமைகளை வென்றெடுக்கவும் களம்2026க்கு ஆயத்தமாக ஜூன் 1ம் நாள் மதுரையில் நடைபெறவுள்ள பொதுக்குழுவில் உங்களைச் சந்திக்க நான் ரெடியாகி விட்டேன். இவ்வாறு முதல்வர் ஸ்டாலின் கூறியுள்ளார்.
2011 மேலே ED ரெய்டு கீழே கூட்டணியை உறுதி செய்தார் கட்டு மரம். சமரசம். சர்க்காரியா கமிஷன் அறிக்கை, அன்னை இந்திரா வுடன் சமரசம் இப்படி ஆயிரம் ஆயிரம் சமரசங்கள். மாநில உரிமையே முதன்மையானதாக உள்ளதாம் ..... கேரளா காரன் அவன் மாநிலத்து மருத்துவ கழிவை இங்கே கொண்டு வந்து கொட்றான் .....ஆனால் அந்த மாநிலத்து முதல்வருக்கு விடியல் மலையாளத்தில் பிறந்த நாள் வாழ்த்து .....கர்நாடக காங்கிரஸ் அரசு கழிவு நீரை சாக்கடை தண்ணீரை காவேரியில் இங்கே அனுப்புது .....இதை கேட்க வக்கில்லாமல் டெல்லியில் காங்கிரஸ் இத்தாலி வீடு தேடி சென்று பார்த்து பிறகு சிறப்பான அரவணைப்பு , குடும்பத்துடன் இருப்பது போன்ற உணர்வு என்று செண்டிமெண்ட்.....இந்த லட்சணத்தில் முன்னேறிய மாநிலமாம் மாநில உரிமையாம் ..கேவலமாயில்லை .. எழுதி கொடுத்து இருப்பவர் நன்றாகவே எழுதி கொடுத்து இருக்கிறார். எனக்கு முன்னால் 14 கருத்துக்கள் பதிவு உள்ளது. ஸ்டாலின் ஒரு பதில் கூட சொல்ல முடியாது. இந்த துண்டு சீட்டு எழுதி குடுக்கற ஆளுக்கு சம்பளம் எவ்வளவு குடுக்கறீங்க. பார்த்து அந்தாள் வீட்டிலயும் அடிலாக்கத்துறை போய் நின்னுட போவுது. கையில பேணா.... மேஜையில் பேப்பர் ஆனா ஏதாவது எழுத தெரியுமா....? எழுதினா புரியுமா? எல்லாம் போட்டோ ஷூட்...செய்யும் மாயம்.
இந்த போட்டோ எதுக்குங்க தினமலர்..! நாங்க நம்பறது ஒரு புறம் இருக்கட்டும். முதல்ல உங்க கட்சிகாரனே உங்க குடும்பத்தை நம்ப தயாரில்லையே முதல்வரே. 2021 வரை FIR போட்ட கேஸ்கள் மட்டும் விசாரிப்பதாக இருந்தால் ED கடந்த மார்ச் மாதம் தொடங்கி டாஸ்மாக்கில் விசாரிக்க முழு ஒப்புதல் தமிழக அரசு ஏன் கொடுக்க மறுக்கிறது? கடந்த ஆட்சியில் ஊழல் நடந்திருந்தால் ED விசாரிக்க தடை கோர்ட்டில் திமுக அரசு ஏன் போகிறது? 2021 பிறகு ஏன் தமிழக அரசு FIR போடவில்லை? சமரசம் உலாவும் இடம்? போலீஸ், திருடர் சமரசம் செய்ய போலீஸ் திருடனை அனுப்பி இருக்க வேண்டும். சினிமா அமுலாக்க துறை, கிடையாது. உண்மை அமலாக்க அரசு துறை? ஊழல் நடக்கவில்லை என்று கூற திமுக பயப்படுகிறது? அஞ்சாது, கெஞ்சாது என்ற வீர வசனம். ஊழல் இல்லை என்றால், நீதி வாசலை ஏன் தட்ட வேண்டும்?
திராவிட ஊழல் என்பது பன்முகத்தன்மை கொண்டது. ஒருவர் பாட்டிலுக்கு 10 என்றால் அடுத்தவர் உற்பத்தியில் லாபம் பார்த்தது போதும் என்று ஒதுங்கிக்கொண்டு இருந்தார்கள். அரசு இயந்திரத்தை முழுவதுமாக நாசம் செய்தது தீம்க்காதான்.-
வடகிழக்கு மாநாட்டின் மூலம் ரூ.4.3 லட்சம் கோடி முதலீடுகள்; மத்திய அமைச்சர் ஜோதிராதித்யா சிந்தியா தகவல்
-
குட்கா மென்று துப்பியதால் ஆத்திரம்: டில்லியில் 35 வயது நபர் மீது துப்பாக்கிச்சூடு
-
வங்கதேசத்தை அமெரிக்காவிற்கு தாரை வார்த்து விட்டார்: முகமது யூனுஸ் மீது ஷேக் ஹசீனா கடும் குற்றச்சாட்டு
-
எல்லாம் அமலாக்கத்துறை படுத்தும் பாடு; முதல்வர் டில்லி பயணம் பற்றி விஜய் விமர்சனம்
-
தேசியக்கொடி ஏந்தி வெற்றி யாத்திரை
-
பொறுப்பற்ற நடத்தை: கட்சியிலிருந்து மூத்த மகன் தேஜ் பிரதாபை நீக்கினார் லாலு