லண்டன்: இந்தியாவுக்கு எதிரான முதல் டெஸ்டில் காயம் காரணமாக இங்கிலாந்தின் அட்கின்சன் பங்கேற்பது சந்தேகம்.

இங்கிலாந்து செல்லவுள்ள இந்திய அணி, ஐந்து போட்டிகள் கொண்ட டெஸ்ட் தொடரில் பங்கேற்கிறது. வரும் ஜூன் 20ல், முதல் டெஸ்ட் லீட்சில் துவங்குகிறது. மீதமுள்ள போட்டிகள் பர்மிங்காம் (ஜூலை 2-6), லார்ட்ஸ் (ஜூலை 10-14), மான்செஸ்டர் (ஜூலை 23-27), ஓவலில் (ஜூலை 31 - ஆக. 4) நடக்கவுள்ளன.
இங்கிலாந்து வேகப்பந்துவீச்சாளர் அட்கின்சன் 27, காயத்தால் முதல் டெஸ்டில் விளையாடுவது சந்தேகம். கடந்த மாதம் ஜிம்பாப்வேக்கு எதிரான டெஸ்ட் போட்டியின் போது இவரது, வலது கால் தொடையின் பின்பகுதியில் காயம் ஏற்பட்டது. இதனால் அடுத்து நடந்த ஒருநாள் தொடரில் பங்கேற்கவில்லை. இவரது காயம் குணமடைய சிறிது காலம் தேவைப்படும் என்பதால் இந்தியாவுக்கு எதிரான முதல் டெஸ்டில் விளையாடும் வாய்ப்பு குறைவு.


ஏற்கனவே மார்க் உட், ஸ்டோன், ஜோப்ரா ஆர்ச்சர் காயத்தால் பாதிக்கப்பட்டிருக்கும் நிலையில் அட்கின்சனும் விலகினால் இங்கிலாந்து அணிக்கு சிக்கலாகிவிடும்.