ஜெர்முக்: ஆர்மேனியாவில் சர்வதேச கிளாசிக்கல் செஸ் தொடர் நடக்கிறது. இந்தியா சார்பில் பிரக்ஞானந்தா, அரவிந்த் சிதம்பரம் உட்பட மொத்தம் 10 வீரர்கள் பங்கேற்கின்றனர். இதன் 7வது சுற்றில் பிரக்ஞானந்தா, ஆர்மேனியாவின் ஹகோபியானை எதிர்கொண்டார். பிரக்ஞானந்தா 78 வது நகர்த்தலில் வெற்றி பெற்றார்.

மற்றொரு போட்டியில் அரவிந்த் சிதம்பரம், அமெரிக்காவின் சாம் செவியன் மோதினர். அரவிந்த், போட்டியின் 65 வது நகர்த்தலில் 'டிரா' செய்தார்.
ஏழு சுற்று முடிவில் பிரக்ஞானந்தா, 5.5 புள்ளியுடன் முதலிடத்தில் உள்ளார். அடுத்த இரு இடத்தில் அரவிந்த் (4.5), ஜெர்மனியின் டிமிட்ரிஜ் (4.0) உள்ளனர்.