புதுடில்லி : பசிபிக் தீவு நாடான ஓஸியானாவைச் சேர்ந்த 'எம்டி ஒய் செங்க் - 6' என்ற தனியார் சரக்கு கப்பல், குஜராத்தில் உள்ள கண்டலா துறைமுகத்திற்கு வந்தது. 14 இந்திய பணியாளர்களுடன் அக்கப்பல், ஓமனில் உள்ள ஷினாஸ் துறைமுகத்துக்கு நேற்று முன்தினம் புறப்பட்டு சென்றது.

இந்நிலையில் அக்கப்பலின் இன்ஜினில் திடீர் தீ விபத்து ஏற்பட்டதாக இந்திய கடற்படைக்கு தகவல் கிடைத்தது. இதன்படி, ஐ.என்.எஸ்., தாபர் என்ற கப்பல் சம்பவ இடத்திற்கு விரைந்து சென்றது. அப்போது, அக்கப்பலில் சிக்கி தவித்த இந்திய பணியாளர்களை படகுகள் மற்றும் ஹெலிகாப்டர் வாயிலாக பத்திரமாக மீட்டது.