நத்தம்: -சிவகங்கை மாவட்டம் காரைக்குடியை சேர்ந்தவர் ஸ்டாலின் 29. நண்பர்களான ஆனந்த் 30,தேவா 28, ஸ்ரீதர் 33, வசந்தகுமார் 25, இளங்கோ 30, திருச்செல்வம் 25, மணிகண்டன் 31, சிந்தனைச் செவ்வன் 28, ஆகியோருடன் கொடைக்கானலுக்கு நேற்று முன்தினம் இரவு இரு காரில் சென்றனர்.

ஒரு காரை ஸ்டாலினும், மற்றொரு காரை இளங்கோவும் ஒட்டினர். நத்தம் அருகே அப்பாஸ்புரம் பகுதியில் வந்த போது கட்டுப்பாட்டை இழந்த கார்கள் சாலையோர ஆற்றுப் பாலத்தில் அடுத்தடுத்து மோதி நின்றது. ஸ்டாலின் ,இளங்கோ தவிர்த்து 7 பேர் பலத்த காயமடைந்தனர். மதுரை அரசு மருத்துவமனையில் அனுமதிக்கபட்டுள்ளனர். நத்தம் போலீசார் விசாரிக்கின்றனர்.