கோவை: கோவையில் இ.பி.எஸ். பங்கேற்ற கூட்டத்துக்கு வந்திருந்த 3 பேரிடம் ரூ.2 லட்சம் பிக்பாக்கெட் அடிக்கப்பட்ட சம்பவம் அதிர்ச்சியை ஏற்படுத்தி இருக்கிறது.



கோவை மாவட்டம் மேட்டுப்பாளையம் அருகே, அ.தி.மு.க., பொதுச்செயலாளர் இ.பி.எஸ்., பங்கேற்ற நிகழ்ச்சிக்கு இன்று தேக்கம்பட்டி ஊராட்சி முன்னாள் துணைத்தலைவர் தங்கராஜ் வந்திருந்தார்.

கூட்ட நெரிசலில் சிக்கிய அவரின் பேண்ட் பாக்கெட் பிளேடால் வெட்டிய மர்ம நபர்கள், அவர் வைத்திருந்த ரூ.1.லட்சத்தை பிக்பாக்கெட் அடித்தனர்.


நெல்லித்துறை அ.தி.மு.க., பிரமுகர் ஆனந்த் என்பவரிடமும் மர்ம நபர்கள் ரூ.1 லட்சமும், அபு என்பவரிடம் ரூ.2500-ஐயும் பிக்பாக்கெட் அடித்துள்ளனர்.


இதுதொடர்பான புகாரின் பேரில்,போலீசார் வழக்குப்பதிந்து, சிசிடிவி காட்சிகள் மூலம் மர்ம நபர்களை தேடி வருகின்றனர்.