ஒட்டன்சத்திரம்: வரத்து அதிகரிப்பால் ஒட்டன்சத்திரம் மார்க்கெட்டில் முருங்கைக்காய் விலை பத்தே நாட்களில் கிலோவுக்கு ரூ.20 குறைந்து ரு.13க்கு விற்பனையானது.

ஒட்டன்சத்திரம், அம்பிளிக்கை, கப்பலப்பட்டி கள்ளிமந்தையம் சாலைப்புதூர் அம்பிளிக்கை இடையகோட்டை மார்க்கம்பட்டி மற்றும் திருப்பூர் மாவட்டம் தாராபுரம், மூலனூர் பகுதிகளில் விளைந்த முருங்கைக்காய் ஒட்டன்சத்திரம் மார்க்கெட்டிற்கு விற்பனைக்கு கொண்டுவரப்படுகிறது.

கடந்த 10 நாட்களுக்கு முன்பு வரை வரத்து குறைவாக இருந்ததால் ஒரு கிலோ முருங்கைக்காய் கிலோ ரூ.33 க்கு விற்பனை ஆனது.

இந்நிலையில் கடந்த மூன்று நாட்களாக பல இடங்களில் அறுவடை மும்முரமாக நடப்பதால் மார்க்கெட்டிற்கு வரத்து அதிகரித்து காரணமாக விலை சரிவடைந்து கிலோ ரூ. 13 க்கு விற்பனையானது.

இனி வரும் நாட்களில் வரத்து இன்னும் அதிகரிக்கும் என்பதால் விலை இன்னும் குறைய வாய்ப்பு உள்ளது என வியாபாரிகள் தெரிவித்தனர்.