ஹாங்காங்: ஹாங்காங்கில் ஏற்பட்டுள்ள 'விபா' சூறாவளியால் மணிக்கு 160 கி.மீ., வேகத்தில் காற்று வீசுகிறது. இதனால் 400க்கும் மேற்பட்ட விமானங்கள் நேற்று ரத்து செய்யப்பட்டன.

நம் அண்டை நாடான சீனாவின் சிறப்பு நிர்வாக பிரதேசமாக ஹாங்காங் உள்ளது. இங்கு 'விபா' சூறாவளி நேற்று கடும் சேதத்தை ஏற்படுத்தியது.

மேற்கு பசிபிக் பகுதியில் உருவான 'விபா' சூறாவளி ஹாங்காங் கரையில் இருந்து 50 கி.மீ., தொலைவில் கடந்து சென்றது.

இதனால் மணிக்கு 140 முதல் 170 கி.மீ., வேகத்தில் காற்று வீசியது. மூன்று மணிநேரத்தில் 11 செ.மீ., மழை கொட்டியது. இதனால் மரங்கள் விழுந்தன. முக்கிய சாலைகளில் மழைநீர் தேங்கின.

விமான சேவையும் கடுமையாக பாதிக்கப்பட்டன. சூறாவளி காற்றால் நேற்று 400 விமானங்கள் ரத்து செய்யப்பட்டன. இதனால், 80,000 பயணியர் பாதிக்கப்பட்டனர்.