பைக் மீது லாரி மோதி பெயின்டர் உயிரிழப்பு



நாமக்கல், நாமக்கல், பொன்விழா நகரை சேர்ந்தவர் சந்திரசேகரன், 40. இவர் லாரி பட்டறையில் பெயின்டராக வேலை பார்த்து வந்தார். இவர் நேற்று காலை, 7:00 மணிக்கு வழக்கம்போல் பஜாஜ் சி.டி.,100 பைக்கில் வேலைக்கு புறப்பட்டார்.


நாமக்கல்-பரமத்தி சாலையில் சென்று கொண்டு இருந்தபோது, பின்னால் வந்த லாரி இவரது பைக் மீது மோதியது. படுகாயமடைந்த அவரை மீட்டு, நாமக்கல் அரசு மருத்துவக் கல்லுாரி மருத்துவமனைக்கு அனுப்பி வைத்தனர். அங்கு பரிசோதனை செய்த டாக்டர்கள், சந்திரசேகரன் ஏற்கனவே இறந்து விட்டதாக தெரிவித்தனர். சந்திரசேகரன் மனைவி சத்யா அளித்த புகார்படி, நாமக்கல் போலீசார் விசாரணை நடத்தி வருகின்றனர்.

Advertisement