கோவை : கோவை மாவட்ட கிரிக்கெட் சங்கம் (சி.டி.சி.ஏ.,) சார்பில், ஐந்தாவது டிவிஷன் போட்டிகள், பி.எஸ்.ஜி., - ஐ.எம்.எஸ்., உள்ளிட்ட மைதானங்களில், நடந்து வருகின்றன.

ஜி கிரிக்கெட் கிளப் அணியும், கே.எப்.சி.சி., அணியும் மோதின. முதலில் பேட்டிங் செய்த ஜி கிரிக்கெட் கிளப் அணியினர், 45 ஓவரில் அனைத்து விக்கெட்களையும் இழந்து, 154 ரன் எடுத்தனர்.

வீரர் அனுஷ், 66 ரன் எடுத்தார். எதிரணி வீரர் அதித் நான்கு விக்கெட் வீழ்த்தினார்.

அடுத்து களம் இறங்கிய கே.எப்.சி.சி., அணியினர், 29.1 ஓவரில் ஏழு விக்கெட் இழப்புக்கு, 155 ரன் எடுத்து வெற்றி பெற்றனர். வீரர் வினோத்குமார், 45 ரன் எடுத்தார். தொடர்ந்து போட்டிகள் நடக்கின்றன.