அரையிறுதியில் துருக்கி

ரிகா: லாட்வியாவில் நடக்கும் 'யூரோ' கூடைப்பந்து காலிறுதியில் துருக்கி அணி 91-77 என்ற கணக்கில் போலந்தை வீழ்த்தியது. மற்றொரு காலிறுதியில் கிரீஸ் அணி 87-76 என லிதுவேனியாவை வென்றது. அரையிறுதியில் துருக்கி, கிரீஸ் அணிகள் மோதுகின்றன.


அமெரிக்கா அசத்தல்

கொலம்பஸ்: அமெரிக்காவில் நடந்த சர்வதேச நட்பு கால்பந்து போட்டியில் அமெரிக்க அணி 2-0 என்ற கோல் கணக்கில் ஜப்பானை வீழ்த்தியது. இதன்மூலம் உலகின் 'டாப்-25' அணிகளுக்கு எதிராக கடந்த 7 போட்டிகளில் வெற்றி பெற முடியாமல் தவித்த அமெரிக்காவுக்கு முதல் வெற்றி கிடைத்தது.


ரசிகர்களுக்கு 'நோ'
ஹாலிபாக்ஸ்: நோவா ஸ்கோடியாவில் (செப். 12-13) நடக்கவுள்ள டேவிஸ் கோப்பை டென்னிஸ் 'வேர்ல்டு குரூப்-1' போட்டியில் கனடா, இஸ்ரேல் அணிகள் விளையாடுகின்றன. பாதுகாப்பு காரணங்களுக்காக போட்டியை நேரில் காண ரசிகர்களுக்கு அனுமதி வழங்கப்படவில்லை.


'காஸ்ட்லி' வீரர்கள்
ஜோகனஸ்பர்க்: தென் ஆப்ரிக்காவில் நடக்கவுள்ள 'எஸ்.ஏ.,20' லீக் 4வது சீசனுக்கான வீரர்கள் ஏலத்தில் தென் ஆப்ரிக்காவின் பிரவிஸ் (ரூ. 8.3 கோடி, பிரிட்டோரியா), மார்க்ரம் (ரூ. 7 கோடி, டர்பன்) அதிக விலைக்கு ஒப்பந்தமாகினர். இதற்கு முன், 2022ல் டிரிஸ்டன் ஸ்டப்ஸ் (ஈஸ்டர்ன் கேப்), ரூ. 4.6 கோடிக்கு வாங்கப்பட்டதே அதிகம்.



@block_B@block_Bஎக்ஸ்டிராஸ்

* டில்லியில் நடக்கும் தேசிய ரேங்கிங் டேபிள் டென்னிஸ் சாம்பியன்ஷிப் 'ரவுண்டு-16' போட்டியில் பெட்ரோலிய விளையாட்டு மேம்பாட்டு வாரிய அணியின் ஹர்மீத் தேசாய் 3-2 என, தமிழகத்தின் தருண் சண்முகத்தை வீழ்த்தினார். மற்ற போட்டிகளில் சத்யன் ஞானசேகரன், தியா, பயாஸ் ஜெயின் உள்ளிட்டோர் வெற்றி பெற்றனர்.

* பெங்களூருவில் இன்று துவங்கும் துலீப் டிராபி கிரிக்கெட் பைனலில் தெற்கு, மத்திய மண்டல அணிகள் விளையாடுகின்றன.


* தென் கொரியாவில் நடக்கும் உலக வில்வித்தை சாம்பியன்ஷிப் 'ரிகர்வ்' பிரிவு வெண்கலப் பதக்கத்துக்கான போட்டியில் தீபிகா குமாரி, அங்கிதா பகத், கதா அடங்கிய இந்திய பெண்கள் அணி 3-5 என்ற கணக்கில் தென் கொரியாவிடம் தோல்வியடைந்தது.


* சீனாவில் நடக்கும் உலக கோப்பை துப்பாக்கி சுடுதல், 10 மீ., 'ஏர் பிஸ்டல்' தகுதிச் சுற்றில் ஏமாற்றிய இந்தியாவின் சாம்ராட் ராணா (582.20 புள்ளி), அமித் சர்மா (576.18), நிஷாந்த் ரவாத் (568.11) பைனலுக்கு தகுதி பெறத்தவறினர்.