இந்தியா 134வது இடம்: கால்பந்து உலக தரவரிசையில்

புதுடில்லி: 'பிபா' கால்பந்து தரவரிசையில் இந்திய அணி 134வது இடத்துக்கு தள்ளப்பட்டது.
கால்பந்து அரங்கில் சிறந்து விளங்கும் அணிகளுக்கான தரவரிசை பட்டியலை சர்வதேச கால்பந்து கூட்டமைப்பு ('பிபா') வெளியிட்டது. இதில் இந்திய அணி, 133வது இடத்தில் இருந்து 134வது இடத்துக்கு தள்ளப்பட்டது. சமீபத்தில் தஜிகிஸ்தானில் நடந்த 'நேஷன்ஸ் கோப்பை' தொடரில் ஓமனை வீழ்த்திய இந்தியா, 3வது இடம் பிடித்தது.
'நடப்பு ஐரோப்பிய சாம்பியன்' ஸ்பெயின் அணி, கடந்த 11 ஆண்டுகளில் முதன்முறையாக 'நம்பர்-1' இடத்துக்கு முன்னேறியது. கடந்த 2023, மார்ச் 23 முதல் விளையாடிய 27 போட்டிகளில் தோல்வியை சந்திக்காமல் வலம் வந்தது. 'நடப்பு உலக சாம்பியன்' அர்ஜென்டினா அணி, முதலிடத்தில் இருந்து 3வது இடத்துக்கு தள்ளப்பட்டது. பிரான்ஸ் அணி 2வது இடத்துக்கு முன்னேறியது.
இங்கிலாந்து அணி 4வது இடத்தில் நீடிக்கிறது. போர்ச்சுகல் அணி 5வது இடத்துக்கு முன்னேறியது. பிரேசில் அணி 6வது இடத்துக்கு தள்ளப்பட்டது.
மேலும்
-
நவராத்திரி முதல் நாளில் 10 ஆயிரம் கார் விற்பனை: டாடா மோட்டார்ஸ் அறிவிப்பு
-
‛‛சேட்டான்''கள் செய்த சேட்டை: பூட்டானிலிருந்து சட்டவிரோத கார் இறக்குமதி: மாட்டுகிறார்கள் மலையாள நடிகர்கள்!!
-
மாநில அரசை தண்டித்து இந்தியா வளர முடியாது: முதல்வர் ஸ்டாலின்
-
பிரதமர் இல்லம் சாலையில் கூட பள்ளங்கள் உள்ளன: டி.கே. சிவகுமார் கிண்டல்
-
நாமக்கல்லில் வருமான வரித்துறை ரெய்டு
-
அக்.14ம் தேதி கூடுகிறது தமிழக சட்டசபை!