சார்ஜா: வெஸ்ட் இண்டீஸ் அணிக்கு எதிரான 'டி-20' தொடரை முதன் முறையாக கைப்பற்றி, வரலாறு படைத்தது நேபாள அணி. இரண்டாவது போட்டியில் 90 ரன் வித்தியாசத்தில் வெற்றி பெற்றது.
வெஸ்ட் இண்டீஸ், நேபாள அணிகள் மோதும் 3 போட்டி கொண்ட 'டி-20' தொடர் சார்ஜாவில் நடக்கிறது. முதல் போட்டியில் நேபாளம் வென்றுது. இரண்டாவது போட்டியில் 'டாஸ்' வென்ற நேபாள கேப்டன் ரோகித் பவுடல் பேட்டிங் தேர்வு செய்தார்.
நேபாள அணிக்கு 6.4 ஓவரில் 43/3 ரன் என திணறியது. அடுத்து ஆசிப் ஷேக், சுந்தீப் ஜோரா இணைந்து அணியை மீட்டனர். 11 ஓவரில் 100 ரன் சேர்த்த போது, சுந்தீப் (63) அவுட்டானார். 20 ஓவர் முடிவில் நேபாள அணி 173/6 ரன் எடுத்தது. ஆசிப் (68) அவுட்டாகாமல் இருந்தனர்.
மீண்டும் தோல்வி
இரு முறை 'டி-20' உலக சாம்பியன் ஆன, வெஸ்ட் இண்டீஸ் அணியின் அக்கீம் (17), ஜாங்கூ (16), ஜேசன் ஹோல்டர் (21) என மூவர் மட்டும் இரட்டை இலக்கத்தை எட்டினர். 17.1 ஓவரில் வெஸ்ட் இண்டீஸ் அணி 83 ரன்னுக்கு சுருண்டது. நேபாள அணி, 2-0 என தொடரை கைப்பற்றியது. ஐ.சி.சி., முழு அந்தஸ்து பெற்ற அணிக்கு எதிராக ரன் அடிப்படையில் (90) சிறந்த வெற்றியை பதிவு செய்த அணியானது நேபாளம்.

83 ரன்னில்...
ஐ.சி.சி., உறுப்பு அணிக்கு எதிரான 'டி-20' போட்டியில், குறைந்த ரன்னுக்கு சுருண்ட, முழு அந்தஸ்து பெற்ற அணியானது வெஸ்ட் இண்டீஸ் (83/10). முன்னதாக 2014 'டி-20' உலக தொடரில் நெதர்லாந்துக்கு (133/8) எதிராக, இங்கிலாந்து அணி 88 ரன்னில் சுருண்டு தோற்றது.