கோவை: கோவை அவிநாசி சாலையில் ரூ. 1791 கோடியில் புதிதாக கட்டப்பட்டுள்ள 10.1 கிலோமீட்டர் நீளம் கொண்ட மேம்பாலத்துக்கு விஞ்ஞானி ஜி.டி.நாயுடு பெயர் சூட்டப்படும் என முதல்வர் ஸ்டாலின் அறிவித்தார்.


இது குறித்து முதல்வர் ஸ்டாலின் வெளியிட்ட அறிக்கை: 2020ல் அறிவிக்கப்பட்டு, 2021ம் ஆண்டு மே மாதம் வரையில் 5% பணிகள் மட்டுமே நடைபெற்றிருந்த அவினாசி சாலை மேம்பாலத்தை திமுக அரசு பொறுப்பேற்று, ரூ.1,791 கோடி செலவில் 10.10 கி.மீ நீளமுள்ள இந்தப் பாலத்தின் மீதமிருந்த 95% பணிகளையும் விரைந்து முடித்துள்ளது.


கோவை மக்களின் நீண்டநாள் கோரிக்கையான இந்த 'அவினாசி சாலை உயர்மட்ட மேம்பாலத்தை நாளை மறுநாள் மக்களின் பயன்பாட்டுக்குத் திறந்து வைக்க இருக்கிறேன். கோவை என்றாலே புதுமை என்பதற்கேற்ப, புதிய அறிவியல் கண்டுபிடிப்புகளால் பெருமை சேர்த்த இந்தியாவின் எடிசன், ஜிடிநாயுடுவின் பெயரை இந்த மேம்பாலத்துக்குச் சூட்டி மகிழ்கிறேன். இவ்வாறு முதல்வர் ஸ்டாலின் கூறியுள்ளார்.

பாலத்தின் சிறப்புகள் என்ன?

பாலத்தின் மொத்த நீளம்- 10,100 மீ

மேம்பாலத்தின் திட்ட மதிப்பீடு- ரூ.1,791 கோடி

மொத்த அகலம்- 17.25 மீ

தூண்கள் எண்ணிக்கை- 305

போர் வெல் எண்ணிக்கை- 120

மின் விளக்குகளின் எண்ணிக்கை- 610

சிவல் இன்ஜினியர்கள்- 100 பேர்

எலக்ட்ரிக்கல் இன்ஜினியர்கள்- 50 பேர்

தாங்கும் திறன்- 6,100 டன்.