கடலுார்: கடலுார், புதுப்பாளையம் ராஜகோபால சுவாமி கோவிலில் மூத்த தம்பதிகளுக்கு சிறப்பு செய்யும் நிகழ்ச்சி நடந்தது.

ஹிந்து சமய அறநிலையத் துறை சார்பில், 70 வயது பூர்த்தி அடைந்த மூத்த தம்பதியருக்கு 'சிறப்பு செய்யும் திட்டம்' கடலுார், புதுப்பாளையம் ராஜகோபால சுவாமி கோவிலில் நடந்தது.

கோவில் செயல் அலுவலர் சரவண ரூபன், 5 மூத்த தம்பதிகளுக்கு புடவை, வேட்டி, சட்டை, வளையல், தாம்பூலம் என, 11 வகை பொருட்கள் கொண்ட சிறப்பு தொகுப்பு வழங்கினார்.

தொடர்ந்து, கோவிலில் சிறப்பு வழிபாடு நடந்தது. கணக்கர்கள் தீனதயாளன், சண்முகம், பட்டாச்சாரியார்கள் பிரபு, நரசிம்மன் உடனிருந்தனர்.