பல்லாவரம்: விழுப்புரம் மாவட்டத்தை சேர்ந்தவர் பரணிதரன், 44; கார் ஓட்டுநர்.

இவர், பல்லாவரம் கண்டோன்மெனட் பகுதியில், அப்துல் மஸ்ஜித் என்பவருடன், காரில் அமர்ந்து, நேற்று முன்தினம் இரவு மது அருந்தியுள்ளார். போதையானதும் இருவரும் காரிலேயே உறங்கியதாக கூறப்படுகிறது.

இந்நிலையில், நேற்று காலை, அப்துல் மஸ்ஜித் எழுந்து பார்த்தபோது, பரணிதரன் காரிலேயே மயங்கி கிடந்துள்ளார்.

இதையடுத்து, அவரை தாம்பரம் மருத்துவமனைக்கு அழைத்து சென்றார். அங்கு பரிசோதனை செய்த மருத்துவர்கள், பரணிதரன் ஏற்கனவே இறந்துவிட்டதாக தெரிவித்தனர்.

தகவல் அறிந்த பல்லாவரம் போலீசார், பரணிதரன் உடலை, பிரேத பரிசோதனைக்கு அனுப்பி வைத்து, விசாரிக்கின்றனர்.