மும்பை: மஹாராஷ்டிராவில் பள்ளத்தில் வேன் கவிழ்ந்த விபத்தில் 5 பேர் சம்பவ இடத்திலேயே உயிரிழந்தனர். மேலும், காயமடைந்த 7 பேர் மருத்துவமனையில் அனுமதிக்கப்பட்டுள்ளனர்.

தரணி தாலுகாவில் உள்ள ராணிகான் காட் பகுதியில் உள்ள சிவாழிரி இடத்திற்கு சுமார் 2 கிலோமீட்டர் தொலைவில் இந்த விபத்து நேரிட்டது. குறுகிய மலைப்பாதையில் சென்று கொண்டிருந்தபோது, ஓட்டுநரின் கட்டுப்பாட்டை இழந்த பிக்கப் வேன், சாலையை விட்டு விலகி, சுமார் 50 முதல் 60 அடி ஆழமுள்ள பள்ளத்தில் விழுந்தது.

விபத்து நடந்த இடத்திலேயே 5 பேர் பரிதாபமாக உயிரிழந்தனர். குறுகிய மலைப்பாதை மற்றும் ஆழமான பள்ளம் என்பதால், மீட்புக்குழுவினருக்கு மீட்புப் பணிகள் பெரும் சவாலாக இருந்தது. உயிரிழந்தவர்களின் உடல்களை அடையாளம் காணும் பணியில் போலீசார் ஈடுபட்டுள்ளனர். விபத்துக்கான காரணம் குறித்தும் விசாரித்து வருகின்றனர்.