சங்கீதா தாக்கல் செய்த மனுவில் கூறியிருப்பதாவது: எங்கள் திருமண வாழ்வு எப்போதோ முடிந்து விட்டது. ஆவணங்களில் மட்டுமே கணவன் மனைவியாக இருக்கிறோம். விவாகரத்துக்கான நோட்டீஸ் அனுப்பிய பிறகும், சுமுகமாக பிரிவதற்கான 2 முறை முயற்சி எடுத்தேன். பொது வெளியில் விஜய்க்கு அவமானம் ஏற்படக்கூடாது என்பதால் இந்த முயற்சிகளை எடுத்தேன்.

கடந்த நவ.,9ம் தேதி வரை, சுமுகமாக பிரிய முயற்சிகள் எடுத்தேன். அந்த முயற்சிகளை விஜய் பொருட்படுத்தாததால் நீதிமன்றத்தை நாடுவதை தவிர எனக்கு வேறு வழியில்லை. விஜய்யின் திருமணம் கடந்த உறவால் எனக்கு அவமானம் ஏற்படுகிறது. விஜய்யுடன் வெளிநாடுகளில் சுற்றும் அந்த நடிகை, அவருடன் இருக்கும் படங்களை தொடர்ந்து வெளியிட்டார். இதனால் எனக்கு பொதுவெளியில் பெரும் அவமானம் ஏற்பட்டது.

அவருடன் தொடர்புடைய நடிகையை வழக்கில் குறிப்பிடவில்லை. தேவை ஏற்பட்டால், நடிகையை இரண்டாவது பிரதிவாதியாக குறிப்பிட்டு வழக்கு தொடர்வேன். சென்சிடிவ் ஆன இந்த வழக்கை நீதிமன்றத்தில் விசாரித்தால் சங்கடம் நேரிடும்; நீதிபதியின் அறையில் விசாரிக்க வேண்டும். விஜய்யின் வருமானம், சமூக அந்தஸ்துக்கு ஏற்ற ஜீவனாம்சம் நிர்ணயிக்க வேண்டும் என்று அந்த மனுவில் சங்கீதா குறிப்பிட்டுள்ளார். block_B