சென்னை:தர்மபுரி மாவட்டம், பாப்பிரெட்டிப்பட்டியில் சசிகலா கட்சி போட்டியிடும் நிலையில், சுயேட்சை வேட்பாளரை, தனது வேட்பாளராக, பா.ம.க., நிறுவனர் ராமதாஸ் அறிவித்துள்ளார்.

இது தொடர்பாக, நேற்று அவர் வெளியிட்ட அறிக்கையில், 'தர்மபுரி மாவட்டம், பாப்பிரெட்டிப்பட்டி சட்டசபை தொகுதியில் போட்டியிடும் தமிழ்ராஜ், எனது ஆதரவு பெற்ற வேட்பாளர். அவருக்கு சிலிண்டர் சின்னத்தில் ஓட்டளித்து, வெற்றி பெறச் செய்ய வேண்டும்' என வேண்டுகோள் விடுத்துள்ளார்.

சசிகலாவின் அனைத்திந்திய புரட்சித் தலைவர் மக்கள் முன்னேற்றக் கழகம் கட்சியுடன் கூட்டணி அமைத்துள்ள ராமதாஸ், 30 தொகுதிகளில் வேட்பாளர்களை நிறுத்தியுள்ளார். பாப்பிரெட்டிப்பட்டி தொகுதியில், சசிகலா கட்சி சார்பில், சென்ன கிருஷ்ணன் தென்னந்தோப்பு சின்னத்தில் போட்டியிடுகிறார். இந்நிலையில், பாப்பிரெட்டிப்பட்டியில் சுயேட்சையாக, வேட்பு மனு தாக்கல் செய்திருந்த தமிழ்ராஜுக்கு, சிலிண்டர் சின்னம் ஒதுக்கப்பட்டது. அவருக்கு ராமதாஸ் ஆதரவளித்திருக்கிறார். 'கூட்டணிக்குள் இன்னும் என்னன்ன குழப்பம் நேரப் போகிறதோ?' என தரப்பினரும் அச்சப்படுகின்றனர்.



***