பவானி, பவானி சட்டசபை தொகுதி தேர்தல் பறக்கும்படை குழுவினர், பட்லுாரில் நேற்று காலை வாகன சோதனையில் ஈடுபட்டிருந்தனர். ஓலகடத்தை சேர்ந்த உதயகுமார், 37, பல்சர் பைக்கில் வந்தார். அவரிடம் சோதனை செய்ததில், 66,220 ரூபாய் இருந்தது. மகளிர் சுய உதவிக்குழுவினரிடம் வசூலித்த கடன் தொகை என்றார். ஆனால் உரிய ஆவணம் இல்லாததால் பணத்தை பறிமுதல் செய்து, பவானி தாலுகா அலுவலகத்தில் ஒப்படைத்தனர்.

* ஈரோடு மூலப்பாளையம் விநாயகர் கோவில் வீதி எல்.ஐ.சி., நகரை சேர்ந்தவர் சங்கர். திருச்செங்கோட்டில் இருந்து வெண்டிபாளையம் காவிரி மின் கதவணை பாலம் வழியே, ஹோண்டா காரில் ஈரோட்டுக்கு நேற்று மதியம் வந்தார். வெண்டிபாளையத்தில் பறக்கும் படையினர் சோதனை செய்தனர். அப்போது, 70 ஆயிரத்து, 600 ரூபாய் வைத்திருந்தார். உரிய ஆவணம் இல்லாததால் பறக்கும்படையினர் பணத்தை பறிமுதல் செய்தனர்.