தேனி, மே 6–

தேனி மாவட்ட கிரிக்கெட் சங்கம் சார்பில் ‘ஏ-’ டிவிஷன் லீக் கிரிக்கெட் போட்டிகள் நடந்து வருகின்றன. தேனியில் நடந்த போட்டியில் ஆர்.சி.சி., மற்றும் ஸ்பார்டன்ஸ் பி.பி.எம்., அணிகள் மோதின. முதலில் பேட்டிங் செய்த ஸ்பார்டன்ஸ் பி.பி.எம்., அணி 50 ஓவர்களில் அனைத்து விக்கெட்டுகளையும் இழந்து 288 ரன்களை எடுத்தது. யுவராஜ் 77 ரன் எடுத்தார். ஆர்.சி.சி.,அணி வீரர் குகன் 4 விக்கெட் வீழ்த்தினார். சேசிங் செய்த ஆர்.சி.சி.,அணி 48.5ஓவரில் 286 ரன்கள் எடுத்து 2 ரன்களில் தோல்வியை தழுவியது. விக்ரம் 74 ரன்களையும், குமார் 68 ரன்களையும் எடுத்தனர். ஸ்பார்டன்ஸ் பி.பி.எம்., அணி வீரர் கவாஸ்கர் 3 விக்கெட் வீழ்த்தினார்.