நமது நிருபர்

முதல்வரின் தோல்வி வருத்தம் தரக்கூடியது. ஸ்டாலின் நீண்ட கால அரசியல்வாதி, அவருடைய தோல்வி வருத்தமானது என காங்கிரஸ் எம்பி மாணிக்கம் தாகூர் தெரிவித்தார்.
இது குறித்து நிருபர்களிடம் காங்கிரஸ் எம்பி மாணிக்கம் தாகூர் கூறியதாவது: தமிழக வெற்றிக்கழக தலைவர் விஜய் பாஜவுக்கு எதிராக நின்று வெற்றி பெற்று இருக்கிறார். திருப்பரங்குன்றத்தில் தவெக வேட்பாளர் தான் வெற்றி இருக்கிறார். தமிழகத்தில் மதவாத சக்திகள் நுழைய முடியாது. காங்கிரஸ் கட்சியின் நிலைப்பாட்டை தலைமை முடிவு எடுத்து இருக்கிறது.

காங்கிரஸ் அரசியல் விவகார குழு நேற்று இரவு எடுத்த முடிவை தமிழக காங்கிரஸ் மேலிட பொறுப்பாளர் கிரிஷ் சோடங்கர் இன்று அறிவிப்பார், எங்களை பொறுத்தவரை தமிழகத்திற்குள் பாஜ வரக்கூடாது. ஆர்எஸ்எஸ் வரக்கூடாது. திமுக உடனான கூட்டணி தேர்தலுக்காக உருவாக்கப்பட்டது. தமிழக வாக்காளர்கள் தெளிவாக முடிவு எடுத்து இருக்கின்றனர். சிலர் சொல்லி கொண்டு இருந்தனர்.

தமிழக மண்ணுக்கு ஆட்சியில் பங்கு ஒத்து வராது என்றனர். தமிழக மக்கள் பதில் சொல்லி விட்டனர். தீர்மானித்து விட்டனர். முதல்வரின் தோல்வி வருத்தம் தரக்கூடியது. ஸ்டாலின் நீண்ட கால அரசியல்வாதி, அவருடைய தோல்வி வருத்தமானது. தமிழக காங். தலைவரின் தோல்வியும் நடந்து இருக்க கூடாது. ஸ்ரீபெரும்புதூர் தொகுதி எங்களுடைய தலைவர் ராஜிவ் காந்தி மறைந்த இடம். அந்த இடத்தில் தமிழக காங்கிரஸ் தலைவர் தோல்வி வருத்தம் தருகிறது. இவ்வாறு மாணிக்கம் தாகூர் கூறினார்.


@block_Y@

காங்கிரஸ் தவெகவுக்கு ஆதரவளிக்கவுள்ள நிலையில், ''தோற்றாலும் தோல்வியில்லை நம்மிடம்..'' என பாரதியாரின் வரிகளை மேற்கோள் காட்டி காங்கிரஸ் எம்பி மாணிக்கம் தாகூர் சமூக வலைதளத்தில் பதிவிட்டுள்ளார்.block_Y

@block_G@

மற்றொரு பதிவில் காங்கிரஸ் எம்பி மாணிக்கம் தாகூர் கூறியிருப்பதாவது: தீர்ப்பு திமுக அரசுக்கு எதிராக வந்துள்ளது. அமைச்சர்களில் பாதிப்பேர் தோல்வி அடைந்துள்ளனர். நாங்கள் எந்த தவறும் செய்யாமலே படுதோல்வி அடைந்துள்ளோம்.

இப்போது பாஜ தமிழகத்தை குறி வைத்துள்ளது. நம் முன் இருக்கும் கேள்வி மிகத்தெளிவானது. மக்களால் நிராகரிக்கப்பட்டவர்களுடன் நாம் இருக்க வேண்டுமா அல்லது பாஜவை எதிர்த்து போராடிய சக்தியுடன் இணைந்து நிற்க வேண்டுமா என்பதே அந்த கேள்வி. இவ்வாறு மாணிக்கம் தாகூர் கூறியுள்ளார். block_G