காஞ்சிபுரம், மே 23–

காஞ்சிபுரத்தை அடுத்த தாமல் ஊராட்சி அம்பேத்கர் நகரில், பயன்பாட்டிற்கு வராமலேயே சேதமடைந்த பொது கழிப்பறை கட்டடத்தை சீரமைத்து தர வேண்டும் என்ற அப்பகுதி மக்கள் கோரிக்கை வைத்திருந்தனர்.

இது குறித்த செய்தி, நமது நாளிதழில், நேற்று முன்தினம் படத்துடன் செய்தி வெளியானது. இதைத் தொடர்ந்து, தாமல் ஊராட்சி நிர்வாகம் சார்பில், கழிப்பறையை சுற்றியிருந்த செடி, கொடிகள் அகற்றப்பட்டு சுத்தம் செய்யப்பட்டது.

சுகாதார சீர்கேடாக இருந்த ஆண்கள் கழிப்பறை, துாய்மை செய்யப்பட்டது. பெண்கள் மற்றும் மாற்றுத்திறனாளிகள் கழிப்பறை திறக்கப்பட்டு, சுத்தம் செய்யப்பட்டு, மக்களின் பயன்பாட்டிற்கு கொண்டுவரப்பட்டது.