நமது நிருபர்

உலக கோப்பை கால்பந்து தொடரில் நியூசிலாந்து அணியை எகிப்து அணி 3-1 என்ற கோல் கணக்கில் வீழ்த்தி அபார வெற்றி பெற்றது.

உலக கால்பந்து தொடரின் வான்கூவர் மைதானத்தில் நடந்த இன்றைய ஆட்டத்தில் நியூசிலாந்து மற்றும் எகிப்து அணிகள் மோதின. 15வது நிமிடத்தில் நியூசிலாந்து அணி வீரர் பின் சுர்மான் ஒரு கோல் அடித்தார். இதனால், 1-0 என்ற கோல் கணக்கில் நியூசிலாந்து அணி முன்னிலை பெற்றது.

இதைத்தொடர்ந்து 2வது பாதியில் எகிப்து அணி சிறப்பான ஆட்டத்தை வெளிப்படுத்தியது. 58வது நிமிடத்தில் எகிப்தின் வீரர் முஸ்தபா ஜிகோ ஒரு கோல் அடித்தார். இதனால், 1-1 என்ற கோல் கணக்கில் இரு அணிகளும் சமன் அடைந்தது. தொடர்ந்து 67வது நிமிடத்தில் எகிப்து அணியின் வீரர் முகமது சலா இரண்டாவது கோலை அடித்தார். இதனால், 2-1 என்ற புள்ளி கணக்கில் எகிப்து முன்னிலை பெற்றது.

82வது நிமிடத்தில் எகிப்து அணியின் வீரர் டிரெஜ்குவெட் ஒரு கோல் அடித்தார். இதனால், எகிப்து அணி 3-1 என்ற கோல் கணக்கில் முன்னிலைக்கு சென்றது. பிறகு ஆட்ட நேரம் இறுதிவரை நியூசிலாந்து அணி போராடியது. எந்த பலனும் கிடைக்கவில்லை. இறுதியில் எகிப்து அணி 3-1 என்ற கோல் கணக்கில் வீழ்த்தி அபார வெற்றி பெற்றது.எகிப்து அணி புள்ளிகள் பட்டியலில் முதல் இடத்தில் உள்ளது.