புவனகிரி: புவனகிரி ஒன்றியம், தலைக்குளம் ஊராட்சி தொடக்கப் பள்ளியில் மாணவர்களுக்கான விளையாட்டு போட்டிகள் நடந்தது.

புவனகிரி அருகே தலைக்குளம் ஊராட்சி ஒன்றிய தொடக்கப்பள்ளி, மாணவர்களுக்கு கலை, விளையாட்டு உள்ளிட்ட போட்டிகளை ஆண்டு தோறும் நடத்தி கல்வித்துறை அதிகாரிகள் மூலம் பரிசு வழங்கி வருகின்றனர்.

இந்த ஆண்டிற்கான துவக்க நிலை விளையாட்டு போட்டி நேற்று முன்தினம் பள்ளி வளாகத்தில் நடந்தது. தலைமை ஆசிரியர் துரைமணிராஜன் போட்டிகளை துவக்கி வைத்து, பரிசுக்குரியவர்களை தேர்வு செய்தார்.

நிகழ்ச்சியில் பெற்றோர்கள், கல்விக்குழு உறுப்பினர்கள் உள்ளிட்டோர் பங்கேற்றனர். உதவி ஆசிரியர் வசந்தா நன்றி கூறினார்.