- நமது நிருபர் -

முதல்வர் விஜய்க்காக, சென்னையில் பிரமாண்டமாக அரசு இல்லம் தயாராகி வருகிறது.

கடந்த மே 10ம் தேதி, த.வெ.க., தலைவர் விஜய் முதல்வராக பொறுப்பேற்றார். அன்று முதல், கிழக்கு கடற்கரை சாலையில் உள்ள நீலாங்கரை வீட்டில் இருந்து தான், தலைமை செயலகம் வந்து செல்கிறார்.

முதல்வர் வந்து போகும், 18 கி.மீ., சாலையில், வழிநெடுக பலத்த போலீஸ் பாதுகாப்பு போடப்படுகிறது. இதனால், கடுமையான போக்குவரத்து நெரிசல் ஏற்படுகிறது. அலுவல் நேரம் முடிந்து, வீட்டுக்கு செல்லும் முன், தன் பட்டினம்பாக்கம் வீட்டில், சிறிது நேரம் முதல்வர் தங்குவார்.

அதோடு, அந்த வீட்டை முகாம் அலுவலகமாகவும் முதல்வர் விஜய் பயன்படுத்தி வருகிறார். அதிலும் பொது மக்களுக்கு இடையூறு ஏற்படுகிறது. அதனால், அரசு பங்களாவை பயன்படுத்த, முதல்வர் விஜய் முடிவு செய்துள்ளார்.

அதன்படி, சென்னை பசுமை வழிச்சாலையில் உள்ள, 'எழில் இல்லம்' முதல்வருக்காக புது பொழிவுடன் தயாராகி வருகிறது. குறிப்பாக, வீட்டு வளாகத்துக்குள் உடற்பயிற்சி கூடம், பேட்மிண்டன் மைதானம், காவலர்கள் தங்கும் கூடம், நடைபாதை, புல் தரைகள் மற்றும் ஐந்தாறு பேர் அமரும் வகையிலான கூட்டரங்கம் உள்ளிட்டவையுடன், மிக பிரம்மாண்டமாக தயாராகி வருகிறது.