பணம் கேட்டு அக்காவை மிரட்டிய தம்பி கைது

ஓசூர்: கிருஷ்ணகிரி மாவட்டம், ஓசூரிலுள்ள தளி ஹட்கோ ஜெயசக்தி நகரை சேர்ந்த நாகராஜன் என்பவரின் மனைவி சவிதா, 48. இவரது தம்பி, தச்சு தொழிலாளி வெங்கடேசன், 44.

இவர், ஓசூர் பார்வதி நகரில் வசிக்கிறார். சவிதாவின் சேமிப்பு தொகையான, 3 லட்சம் ரூபாயில், தனக்கு பங்கு தர வெங்கடேசன் கேட்டுள்ளார். சவிதா மறுத்ததால், இருவருக்கும் கடந்த, 19ம் தேதி மாலை, 4:30 மணிக்கு தகராறு ஏற்பட்டது. ஆத்திரமடைந்த வெங்கடேசன், அக்கா சவிதாவை, தகாத வார்த்தையால் திட்டி, மிரட்டல் விடுத்தார். சவிதா புகார் படி, ஓசூர் டவுன் போலீசார், வெங்கடேசனை நேற்று முன்தினம் கைது செய்து, பின் ஜாமினில் விடுவித்தனர்.

Advertisement