சென்னை, பகுஜன் சமாஜ் கட்சியின் மாநில தலைவர் ஆம்ஸ்ட்ராங் கொலை வழக்கில், வேலுார் மத்திய சிறையில் அடைக்கப்பட்டுள்ள ரவுடி நாகேந்திரன் உள்ளிட்ட, 27 பேர் கைது செய்யபபட்டுள்ளனர்.

இந்நிலையில், எருங்கஞ்சேரியைச் சேர்ந்த நாகேந்திரனின் கூட்டாளி ரவுடி வெள்ளை பிரகாஷ், 33, என்பவரை கொடுங்கையூர் போலீசார் நேற்று கைது செய்துள்ளனர்.

இவர், 2022ல், கைதான போது, 40 அரிவாள், நாட்டு வெடிகுண்டுகள், 40, துப்பாக்கியும் பறிமுதல் செய்யப்பட்டது. அவர் மீது, 2015ல், திருவள்ளூர் மாவட்டம், தாமரைப்பாக்கம் கூட்டு ரோடு பகுதியில், பகுஜன் சமாஜ் கட்சி நிர்வாகி தென்னரசு கொலை உட்பட, 10க்கும் மேற்பட்ட வழக்குகள் உள்ளன. இவரை, சி.பி.சி.ஐ.டி., போலீசாரும் தேடி வந்தனர்.