கீழக்கரை : கீழக்கரை உக்கிர வீரமாகாளியம்மன் கோயிலில் புதிதாக திருப்பணிகள் செய்யப்பட்டு செப்.15ல் கும்பாபிஷேகம் நடந்தது. 48 நாட்கள் நிறைவை முன்னிட்டு மூலவர் உக்கிர வீரமாகாளி அம்மன், விநாயகர், முருகன், ஐயப்பன், ஆஞ்சநேயர், நவக்கிரகம், பேச்சியம்மன் உள்ளிட்ட பரிவார தெய்வங்களுக்கு சிறப்பு அபிஷேக அலங்கார தீபராதனைகள் நடந்தது.

கோயில் முன்பு ஹோம வேள்விகள் வளர்க்கப்பட்டு புனித நீர் பக்தர்கள் மீது தெளிக்கப்பட்டது. அன்னதானம் வழங்கப்பட்டது. ஏற்பாடுகளை விஸ்வக்கிய தங்கம், வெள்ளி தொழிலாளர்கள் சங்கம் மற்றும் திருப்பணி குழுவினர் செய்திருந்தனர்.