சிதம்பரம் : மலையேறும் பயிற்சிக்கு தேர்வு செய்யப்பட்ட என்.சி.சி., மாணவருக்கு பாராட்டு வழங்கப்பட்டது.

அகில இந்திய அளவில், என்.சி.சி., மாணவர்கள் பங்கேற்கும் மலையேறும் பயிற்சி, மத்தியப்பிரதேசத்தில் உள்ள குவாலியரில், கடந்த மாதம் நடந்தது. இப்பயிற்சியில், தமிழகத்தை சேர்ந்த கல்லுாரி மற்றும் பள்ளிகளில் இருந்து 24 என்.சி.சி., மாணவர்கள் பங்கேற்றனர்.

இதில், 4வது தமிழ்நாடு கூட்டுத் தொழில்நுட்ப கம்பெனி, அண்ணாமலை நகர் ராணி சீதை ஆச்சி மேல்நிலைப் பள்ளி 9ம் வகுப்பு மாணவர் பாலபிரியன் பங்கேற்றார்.

பயிற்சி முடித்து திரும்பிய அவரை தலைமை ஆசிரியை பேர்லின்வில்லியம் பாராட்டினார். பள்ளி என்.சி.சி., அலுவலர் ராஜசேகர், உதவித் தலைமை ஆசிரியர்கள் முருகவேல், சுரேஷ், உடற்கல்வி இயக்குநர் முருகையன் ஆகியோர் உடன் இருந்தனர்.