டி.என்.பி.எல்., ஆலை சார்பில்
நுாலக கட்டடம் ஒப்படைப்பு
கரூர், நவ. 8-
புகழூர் டி.என்.பி.எல்., ஆலை சார்பில், கட்டி கொடுக்கப்பட்ட நுாலக கட்டடம் ஒப்படைக்கப்பட்டது.
கரூர் மாவட்டம், புகழூர் தமிழ்நாடு செய்தித்தாள் காகித ஆலை சார்பில், ஊர்புற நுாலகம் கட்டப்பட்டது. இதை ஒப்படைக்கும் நிகழ்ச்சி நடந்தது. ஆலையின் பொதுமேலாளர் (மனிதவளம்) கலைச்செல்வன் தலைமை வகித்தார். சமுதாய நலப்பணித் திட்டத்தின் கீழ் திருக்காடுதுறையில், 16 லட்சம் ரூபாய் மதிப்பில் கட்டடம் கட்டப்பட்டது. இதையடுத்து கட்டடத்தின் சாவியை, மாவட்ட நுாலக அலுவலர் சிவக்குமாரிடம் வழங்கினார்.
நிகழ்ச்சியில், ஆலையின் முதன்மை மேலாளர் (மனிதவளம்) சிவக்குமார், துணை பொதுமேலாளர் (வனம்) ஜெயக்குமார், திருக்காடுதுறை பஞ்., தலைவர் அசோக்குமார் உள்ளிட்டோர் பங்கேற்றனர்.