விழுப்புரம்: விழுப்புரம் அருகே கூலித் தொழிலாளியைத் தாக்கிய 2 பேரை போலீசார் கைது செய்தனர்.

விழுப்புரம் அடுத்த கல்பட்டு பகுதியைச் சேர்ந்தவர் கதிரவன், 30; கூலித் தொழிலாளி. இவர், கடந்த 2ம் தேதி மாலை அங்குள்ள கோவில் அருகே நின்றிருந்தார்.

அப்போது, அதே பகுதியைச் சேர்ந்த சாரங்கபாணி, 49; நிதிஷ்குமார், 23; ஆகியோர் மது போதையில் கதிரவனிடம் தகராறு செய்து, தாக்கினர்.

புகாரின் பேரில், சாரங்கபாணி, நிதிஷ்குமார் ஆகியோர் மீது காணை போலீசார் வழக்கு பதிந்து, அவர்களை கைது செய்தனர்.