கள்ளக்குறிச்சி: மாநில, மாவட்ட அளவிலான சிறந்த கூட்டுறவு சங்கங்கள் மற்றும் ரேஷன் கடை விற்பனையாளர்கள் தேர்வுக்கு இணைய தளம் மூலம் விண்ணப்பங்கள் வரவேற்கப்படுகிறது.

கள்ளக்குறிச்சி கூட்டுறவு சங்கங்களின் மண்டல இணைப்பதிவாளர் முருகேசன் செய்திக்குறிப்பு:

ஒவ்வொரு ஆண்டும் அனைத்திந்திய கூட்டுறவு வார விழா நவம்பர் 14ம் தேதி முதல் 20 ம் தேதி வரை நடக்கிறது.

தொடர்ந்து அந்த ஆண்டில் மாநில மற்றும் மாவட்ட அளவில் சிறப்பாக செயல்பட்ட கூட்டுறவு நிறுவனங்கள் மற்றும் ரேஷன் கடை விற்பனையாளர்களுக்கு கேடயம் மற்றும் சான்றிதழ் வழங்கப்பட்டு வருகிறது.

அதன்படி, இந்த ஆண்டு 71வது கூட்டுறவு வார விழா வரும் கொண்டாடப்பட உள்ளது. விழாவில் மாநில மற்றும் மாவட்ட அளவில் சிறப்பாக செயல்பட்ட கூட்டுறவு சங்கங்கள் மற்றும் ரேஷன் கடை விற்பனையாளர்களுக்கு கேடயம், சான்றிதழ் வழங்குவதற்கான தேர்வு முறை முதன்முறையாக இணையவழியில் நடைபெற உள்ளது.

எனவே, கள்ளக்குறிச்சி மண்டலத்தில் உள்ள அனைத்து கூட்டுறவு நிறுவனங்களும் தங்களது விபரங்களை https://rcs.tn.gov.in-rcsweb என்ற இணையதளம் மூலம் விண்ணப்பிக்க வேண்டும். அதன் அடிப்படையிலேயே தகுதி வாய்ந்த சங்கங்கள் மற்றும் விற்பனையாளர்கள் மாநில அளவில் பதிவாளர் மற்றும் மாவட்ட அளவில் மண்டல இணைப்பதிவாளர் மூலம் தேர்வு செய்யப்படுவார்கள்.