கும்மிடிப்பூண்டி:சென்னை, திருவள்ளூர், காஞ்சிபுரம், செங்கல்பட்டு மாவட்டங்களில், நேற்று தொடர் மழை பெய்யும் என, சென்னை வானிலை ஆய்வு மையம் தெரிவித்திருந்தது.

கும்மிடிப்பூண்டி பகுதியில், நேற்று அதிகாலை நேரத்தில் கனமழை பெய்ததால், பள்ளிகளுக்கு விடுமுறை அளிக்கப்படும் என மாணவர்களும், பெற்றோர்களும் காத்திருந்தனர்.

சென்னை மாவட்ட பள்ளிகளுக்கு மட்டும் விடுமுறை அளித்து, திருவள்ளூர், காஞ்சிபுரம், செங்கல்பட்டு மாவட்டங்களில் பள்ளிகள் வழக்கம்போல் செயல்படும் என தெரிவிக்கப்பட்டிருந்தது.

அதிகாலை பெய்த மழை சிறிது நேரம் அடங்கியது. பின், பரபரப்பான காலை நேரத்தில் மழை பெய்ய துவங்கியது. இதனால், பள்ளி மாணவர்கள் சிரமத்திற்கு ஆளாகினர்.

பள்ளி நேரத்தில் மழையை எதிர்பார்க்காத பெரும்பாலான மாணவர்கள் குடைகளை எடுத்து வரவில்லை. ஒரு சிலர் மட்டுமே குடையுடன் பள்ளிக்கு சென்றனர்.

இதனால், குடையின்றி வந்த மாணவர்கள், மழையில் நனைந்தபடி பள்ளிக்கு சென்றதால் கடும் சிரமத்திற்கு ஆளாகினர்.