மும்பை: ''அரசியல் அமைப்பு புத்தகம் காலியாக இருப்பதாக பிரதமர் மோடி கூறுகிறார். அவர் அதைப்பற்றி படிக்காததால் அப்படி கூறுகிறார். அவர் அதை படிக்க வேண்டும்,'' என ராகுல்
கூறினார்.

மகாராஷ்டிராவின் நந்துர்பரில் நடைபெற்ற பேரணியில் ராகுல் பேசியதாவது:


அரசியலமைப்பில் இந்தியாவின் ஆன்மாவும், பிர்சா முண்டா, டாக்டர் பி.ஆர்.அம்பேத்கர், மகாத்மா காந்தி போன்ற தேசிய தலைவர்கள் முன்வைத்த கொள்கைகளும் அடங்கியுள்ளன.

பொதுக்கூட்டங்களில் நான் காட்டும் அரசியல் சாசன புத்தகம் காலியாக உள்ளது என்று பிரதமர் கூறுகிறார். மோடிஜி அதை படிக்காததால், அரசியல் சாசனம் காலியாக உள்ளது போல் தோன்றுகிறது.

அதன் நிறம். எங்களுக்கு முக்கியமில்லை, ஆனால் அதில் என்ன எழுதப்பட்டுள்ளது என்பது முக்கியம். அதைப் பாதுகாக்க நாங்கள் எங்கள் உயிரைத் தியாகம் செய்யத் தயாராக இருக்கிறோம்.
முடிவெடுப்பதில் ஆதிவாசிகள், தலித்துகள் மற்றும் பிற்படுத்தப்பட்டோர் பிரதிநிதித்துவம் பெற வேண்டும் என்று காங்கிரஸ் விரும்புகிறது.

பழங்குடியினரை ஆதிவாசிகளுக்குப் பதிலாக வனவாசிகள் என்று குறிப்பிட்டு அவமதிக்கிறார்கள்.

ஆதிவாசிகள் நாட்டின் முதல் உரிமையாளர்கள் மற்றும் ஜல் (நீர்), காடு (காடு) மற்றும் ஜமீன் (நிலம்) மீது முதல் உரிமை பெற்றவர்கள். ஆனால், ஆதிவாசிகள் எந்த உரிமையும் இல்லாமல் காட்டில் இருக்க வேண்டும் என்று பாஜக விரும்புகிறது. பிர்சா முண்டா இதற்காகத் தான் போராடினார். உயிரைக் கொடுத்தார்.


தேர்தல் அறிக்கையில் கூறியபடி,பெண்கள், விவசாயிகள் மற்றும் இளைஞர்களுக்கு மாதந்தோறும் ரூ.3,000 உதவி மற்றும் இலவச பஸ் பயணம், ரூ.3 லட்சம் வரை விவசாயக் கடன் தள்ளுபடி மற்றும் வேலையில்லாத இளைஞர்களுக்கு ரூ.4,000 உதவி போன்றவைகள் வழங்கப்படும்.
தற்போது, ​​எட்டு சதவீத பழங்குடி மக்களில், முடிவெடுப்பதில் அவர்களின் பங்கு ஒரு சதவீதம் மட்டுமே.

மகாராஷ்டிராவுக்கான திட்டங்கள் வேறு மாநிலத்துக்கு மாற்றப்படுவதை அனுமதிக்க மாட்டோம்.

இவ்வாறு ராகுல் பேசினார்.

மகாராஷ்டிராவில் நவம்பர் 20-ம் தேதி ஒரே கட்டமாக வாக்குப்பதிவு நடைபெறுகிறது. வாக்குகள் நவம்பர் 23-ம் தேதி எண்ணப்படும்.