ப.வேலுார்: ப.வேலுார் அருகே அரசு பள்ளியில் பிளஸ் 2 படித்து வரும் சிறுமி, கடந்த சில நாட்களாக உடல்நிலை சரியில்லாமல் இருந்து வந்துள்ளார். இதையடுத்து சிறுமியின் தாயார், ப.வேலுார் அரசு மருத்துவமனையில் சிகிச்சைக்கு சேர்த்த போது, கர்ப்பமாக இருப்பது தெரியவந்தது.

இது குறித்து, நாமக்கல் குழந்தைகள் நல குழுமம் தலைவர் சதீஷ் பாபுவிடம், சிறுமியின் பெற்றோர் தகவல் கொடுத்தனர். பின், சதீஷ் பாபு கொடுத்த புகார்படி, சிறுமியை கர்ப்பமாக்கிய, ஜெகதீப் பிரவீன், 23, என்பவரை ப.வேலுார் மகளிர் காவல் நிலைய இன்ஸ்பெக்டர் இந்திராணி, போக்சோ வழக்கில் கைது செய்தார்.