நாமகிரிப்பேட்டை: தமிழ்நாடு தொடக்கப்பள்ளி ஆசிரியர் மன்றம் நாமகிரிப்பேட்டை ஒன்றிய கிளையின் சார்பில், சீராப்பள்ளி ஏ.இ.ஓ.., அலுவலகம் முன், கோரிக்கை முழக்க ஆர்ப்பாட்டம் நடந்தது.

ஒன்றிய தலைவர் முருகேசன் தலைமை வகித்தார். செயலாளர் மோகன் குமார் வரவேற்றார். மாநில பொதுக்குழு குழு உறுப்பினர் தியாகராஜன், மாவட்ட இளைஞரணி துணை அமைப்பாளர் சுதாகர், மாவட்ட செயலாளர் சங்கர், மாநில பொருளாளர் முருக செல்வராசன் ஆகியோர் கோரிக்கைகள் குறித்து பேசினர். ஆர்ப்பாட்டத்தில், ஓய்வு பெற்ற ஆசிரியர்களுக்கு ஓய்வு ஊதிய பணப்பலன்கள் உரிய நேரத்தில் பெற்று வழங்க வேண்டும். ஆசிரியர் குறைதீர் முகாம் நடத்தி, உடனுக்குடன் கோரிக்கை மனுக்களுக்கு தீர்வு காண வேண்டும். துப்புரவு பணியாளர்களுக்கு ஐந்து மாதங்கள் வழங்காத ஊதியம் பெற்று வழங்க வேண்டும், அனைத்து பள்ளிகளுக்கும் எமிஸ் பதிவேற்ற பணியாளர்கள் நியமிக்க வேண்டும் உள்ளிட்ட பல்வேறு கோரிக்கைகளை வலியுறுத்தி ஆர்ப்பாட்டம் நடத்தினர்.