குழந்தைகள் தின விழா
ஓசூர், நவ. 16-
ஓசூர் ஜூஜூவாடி அரசு மேல்நிலைப்பள்ளியில், தனியார் நிறுவனங்கள் சமூக பொறுப்புணர்வு திட்டத்தில், சுத்திகரிக்கப்பட்ட குடிநீர், சுகாதாரமான கழிவறை, கூடுதல் வகுப்பறை, ஸ்மார்ட் கிளாஸ், ரோபாடிக் கிளாஸ், நுாலகம், பசுமை போன்ற பல்வேறு வசதிகள் ஏற்படுத்தி கொடுக்கப்பட்டுள்ளன. தற்போது, 2,000க்கும் மேற்பட்ட மாணவ, மாணவிகள் இங்கு படித்து வருகின்றனர். இப்பள்ளியில், குழந்தைகள் தின விழா கொண்டாடப்பட்டது. மாநகராட்சி கல்விக்குழு தலைவர் ஸ்ரீதரன் தலைமை வகித்தார். தலைமையாசிரியர் நர்மதாதேவி முன்னிலை வகித்தார். மறைந்த முன்னாள் பிரதமர் நேரு படத்திற்கு, மாணவ, மாணவிகள் மற்றும் ஆசிரியர்கள் மலர் துாவி மரியாதை செலுத்தி, உறுதிமொழி எடுத்து கொண்டனர்.