கள்ளக்குறிச்சி : குதிரைச்சந்தல் அரசு மேல்நிலைப்பள்ளியில் 'தினமலர் - பட்டம்' இதழின் வினாடி- வினா போட்டி நேற்று நடந்தது.

பள்ளியில் 'தினமலர்- பட்டம்' இதழின் வினாடி வினா போட்டியில் 100க்கும் மேற்பட்ட மாணவர்கள் பங்கேற்றதில் 16 மாணவர்கள் தேர்வு செய்யப்பட்டனர். பின் 8 குழுக்களாக பிரிக்கப்பட்ட மாணவர்களுக்கு இரண்டு சுற்றுகளாக போட்டி நடந்தது.

பள்ளி தலைமை ஆசிரியர் மணிமாறன் தலைமை தாங்கினார். உதவி தலைமை ஆசிரியர்கள் செல்வராஜ், ஹெலன்ஜெயா முன்னிலை வகித்தனர். பள்ளியின் பட்டம் இதழ் பொறுப்பாசிரியை பேகம் வரவேற்றார்.

போட்டியில் 9ம் வகுப்பு மாணவிகள் தமிழிசை, தீபிகா அணியினர் முதலிடமும், 9ம் வகுப்பு மாணவிகள் ஜெயபாரதி, வைஷ்ணவி இரண்டாமிடமும் பிடித்தனர். வெற்றி பெற்றவர்களுக்கு கள்ளக்குறிச்சி சரோஜா சண்முகம் அறக்கட்டளை, கமலா பல்ப் நிர்வாகி சுதா வைத்திலிங்கம் சான்றிதழ், கேடயம், பதக்கம் வழங்கினார்.

கச்சிராயபாளையம்

கச்சிராயபாளையம் அரசு மகளிர் மேல்நிலைப்பள்ளியில் நடந்த நிகழ்ச்சிக்கு, தலைமை ஆசிரியை தயாள ஈஸ்வரி தலைமை தாங்கினார். உதவி தலைமை ஆசிரியை பாலஸ்ரீ ஜெயப்பிரதா முன்னிலை வகித்தார். பள்ளியின் பட்டம் இதழ் பொறுப்பாசிரியை நித்யஜோதி வரவேற்றார்.

போட்டியில், 6ம் வகுப்பு மாணவிகள் ரூபிஷைனி. பாலகயல்விழி அணி முதலிடமும், 8ம் வகுப்பு மாணவிகள் தாரணி, ஆதன்யா அணி இரண்டாமிடமும் பிடித்தனர்.

வெற்றி பெற்ற அணிகளுக்கு முன்னாள் அமைச்சர் மோகன் சான்றிதழ், கேடயம், பதக்கம் வழங்கினார்.