விக்கிரவாண்டி : பனையபுரம் அரசு மேல்நிலைப் பள்ளியில் குழந்தைகள் தின போட்டியில் வெற்றி பெற்றவர்களுக்கு பரிசளிப்பு விழா நடந்தது.

விழுப்புரம் சென்ட்ரல் அரிமா சஙகம் சார்பில் குழந்தைகள் தின விழாவை முன்னிட்டு விளையாட்டு, ஓவியம், திருக்குறள் ஒப்புவித்தல் உள்ளிட்ட போட்டிகள் நடந்தது.

போட்டியில் வென்ற மாணவர்களுக்கு நடந்த பரிசளிப்பு விழாவிற்கு பள்ளி தலைமை ஆசிரியை சுமித்ரா தேவி தலைமை தாங்கினார். அரிமா சங்க தலைவர் ராமச்சந்திரன் முன்னிலை வகித்தார். உடற்கல்வி ஆசிரியர் மணிகண்டன் வரவேற்றார்.

சங்க நிர்வாகி பிரியா, செயலாளர் சபரிநாதன், பொருளாளர் ஏழுமலை, துணை செயலாளர் நவீன் குமார் உட்பட பலர் பங்கேற்றனர்.

செஞ்சி

செஞ்சியில் நகர காங்., சார்பில் நேரு பிறந்த நாள் மற்றும் குழந்தைகள் தினவிழா கொண்டாடினர். நான்கு முனை ரோட்டில் நேரு படத்திற்கு மாலை அணிவித்து மரியாதை செலுத்தினர்.

சாலை எம்.டி., பள்ளி குழந்தைகளுக்கு பேனா பென்சில் நோட் புத்தகம் உள்ளிட்ட கல்வி உபகரணங்களை வழங்கினர். நிகழ்ச்சிகளுக்கு நகர தலைவர் சூர்யமூர்த்தி தலைமை தாங்கினார்.

தலைமை ஆசிரியர் பிரியா ரூபன், காங்., நிர்வாகிகள் உட்பட பலர் பங்கேற்றனர்.