ராமநாதபுரம்,: ராமநாதபுரம் செய்யது அம்மாள் பொறியியல் கல்லுாரியில் மேலாண்மைத் துறை சார்பில் செபி, என்.எஸ்.டி.எல் இணைந்து நடத்திய மாணவர்களுக்கான பங்குச்சந்தை குறித்த பயிற்சி பட்டறை நடந்தது.

சிறப்பு விருந்தினர்கள் செபி நிறுவன துணைப் பொது மேலாளர் சரண்யா, என்.எஸ்.டி.எல்., நிறுவனத்தின் பிராந்திய தலைவர் இளங்கோ, தெற்கு பிராந்திய மேலாளர் சுருளீஸ்வரன் பங்கேற்று பங்குச்சந்தை, வணிக நடைமுறையில் உள்ள கணக்கு துவங்கும் முறை, பங்குகள் வாங்குவதும், விற்பதற்குமான வழிமுறைகள் குறித்து விரிவாக எடுத்துரைத்தனர்.

பேராசிரியர் மகேந்திரன், மேலாண்மை துறைத் தலைவர் மெய்கண்ட கணேஷ்குமார், மாணவர்கள் பங்கேற்றனர். பேராசிரியை ஷர்மிளா நன்றி கூறினார்.