செஞ்சி: செஞ்சி அரிமா சங்கம் சார்பில் செஞ்சி காந்தி பஜாரில் உள்ள அங்கன் வாடி மையத்தில் குழந்தைகள் தின விழா நடந்தது.

அரசு நடுநிலைப் பள்ளி தலைமையாசிரியர் ஆயிஷா பேகம் தலைமை தாங்கினார். அரிமா சங்க மாவட்ட தலைவர்கள் முருகன், சண்முகம், செயலாளர் புகழேந்தி, உறுப்பினர் வெற்றிச்செல்வி ஆகியோர் குழந்தைகளுக்கு 15 பிளாஸ்டிக் சேர்கள், லட்டு, பிஸ்கெட் வழங்கினர். அங்கன்வாடி உதவியாளர் ராஜேஸ்வரி, மலர் உட்பட பலர் பங்கேற்றனர்.

மேலும், ஜம்போதி அரசு ஆதிதிராவிடர் நல துவக்க பள்ளியில் செஞ்சி செக்கோவர் நிறுவனம் சார்பில் நடந்த குழந்தைகள் தின விழாவிற்கு, செக்கோவர் இயக்குனர் அம்பிகா சூசைராஜ் தலைமை தாங்கினார். வட்டார கல்வி அலுவலவர்கள் சிவக்குமார், புருஷோத்தமன், ஊராட்சி தலைவர் அழகேசன் முன்னிலை வகித்தனர்.

தலைமையாசிரியர் காந்தாமணி வரவேற்றார். திட்ட ஒருங்கிணைப்பாளர் ஜெயசீலன் வாழ்த்திப் பேசினார்.

ரவீந்திரன், ராஜாராமன், சக்திவேல், ஜெயஸ்ரீ ஆகியோர் குழந்தைகள் வளர்ச்சி மற்றும் பாதுகாப்பு குறித்து பேசினர். நிகழ்ச்சியில் செக்கோவர் ஊழியர்கள் மற்றும் ஆசிரியர்கள் பங்கேற்றனர்.