திருப்பூர்: திருப்பூர், புண்ணியவதி சாலையில் அமைந்துள்ள, கிட்ஸ் கிளப் பள்ளியில், அதன் குழுமத்தின் நிறுவனர் மோகன் கந்தசாமி, நினைவு தினம், 'நிறுவனர் தின விழா' வாக, பள்ளியில் நடைபெற்றது.

திருப்பூர் ஏற்றுமதியாளர்கள் சங்கத்தின் இணை செயலர் குமார் துரைசாமி, தலைமை வகித்து பேசுகையில், 'திருப்பூரின் பீஷ்ம பிதாமகர் என சொல்லும் அளவுக்கு தொழில் துறையின் வளர்ச்சிக்கு மோகன் கந்தசாமி செயல்பட்டுள்ளார்,' என்றார்.

பள்ளி நிறுவனர் குறித்த உரையுடன், மாணவ, மாணவியரின் நிகழ்ச்சி நடந்தது. அவரது அரசியல் மற்றும் பொது பணிகளை விளக்கும் வகையில் நாடகம் நடத்தினர். மாணவ, மாணவியருக்கு கிட்ஸ் கிளப் பள்ளி தலைவர் மோகன் கார்த்திக், தாளாளர் வினோதினி ஆகியோர் பரிசு வழங்கி, பாராட்டினர்.