கோவை: பன்னீர்மடை அக்சயா அகாடமி சி.பி.எஸ்.இ., சீனியர் செகண்டரி பள்ளியில் மாணவர் மன்ற தலைவர்கள் பதவியேற்பு விழா நடந்தது. பள்ளி செயலாளர் பட்டாபி ராமன், மாணவர்களுக்கு பதவி பிரமாணம் செய்து வைத்தார்.

சுற்றுச்சூழல் மேம்பாடு, பொது அறிவுத்துறை, ஆரோக்கிய மேம்பாடு, கலாசார மேம்பாடு ஆகிய மன்ற மாணவத் தலைவர்கள், உறுதிமொழி ஏற்று அடையாளச் சின்னத்தை வெளியிட்டனர்.

மாணவர்களின் தலைமை பண்பு, குழு ஒத்துழைப்பு பற்றிய ஆவணப்படம், கலந்துரையாடல் நிகழ்வு நடந்தது. தொடர்ந்து, மாணவர்கள் அக்சயா கீதம் பாடி மகிழ்ந்தனர்.

பள்ளியின் நிறுவனர் புருஷோத்தமன், தாளாளர் சுந்தராம்பாள், பள்ளி முதல்வர் ராஜேஸ்வரி ஆகியோர் பொறுப்பேற்ற மாணவப் பேரவைத் தலைவர்களுக்கு வாழ்த்து தெரிவித்தனர்.