ஏட்டு எனக்கூறி மிரட்டல்

மதுரை: எஸ்.எஸ்.காலனி கணேஷ் பிரபு 37. ரியல் எஸ்டேட் தொழில் செய்கிறார். முன்விரோதம் காரணமாக இவரது அபார்ட்மென்ட் வாட்ச்மேனுக்கு போன் செய்த நபர், தன்னை எஸ்.எஸ்.காலனி போலீஸ் ஏட்டு எனக்கூறி ஆபாசமாக பேசி மிரட்டல் விடுத்தார். முத்து என்பவருக்கு தொடர்பு உண்டா என போலீசார் விசாரிக்கின்றனர்.

வளைகாப்பு நடத்திவிட்டு கணவர் தற்கொலை

மதுரை: திருப்பரங்குன்றம் பாம்பன் நகர் முத்துக்குமார் 23. டிரைவர். 7 ஆண்டுகளுக்கு முன் தந்தை இறந்த நிலையில் தாயார் தனவள்ளியுடன் சேர்ந்து பனியன் கம்பெனி நடத்தினார். நஷ்டம் காரணமாக கடன் பிரச்னை ஏற்பட்டது. இந்நிலையில் ஒரு பெண்ணை முத்துக்குமார் காதல் திருமணம் செய்து கொண்டார். நேற்றுமுன்தினம் அவருக்கு வளைகாப்பு நடத்தி பெற்றோர் வீட்டிற்கு அனுப்பி வைத்தார். பின்னர் இரவு தனது வீட்டில் கடன் பிரச்னையால் துாக்கிட்டு தற்கொலை செய்து கொண்டார். போலீசார் விசாரிக்கின்றனர்.

விபச்சாரம்: 5 பேர் கைது

மதுரை: எல்லீஸ்நகர் சத்தியமூர்த்தி நகரில் ஸ்பா என்ற பெயரில் விபச்சாரம் நடந்தது. போலீசார் சோதனையில் உறுதியானது. இதுதொடர்பாக வினோத் 30, அப்துல்ரகுமான் 30, மற்றும் விபச்சாரத்தில் ஈடுபட்ட பெங்களூரு, மதுரை, மேற்கு வங்கத்தைச் சேர்ந்த 3 பெண்கள் கைது செய்யப்பட்டனர்.