மும்பை: சையது முஷ்தாக் அலி டிராபி தொடருக்கான மும்பை அணியின் கேப்டனாக ஸ்ரேயாஸ் அறிவிக்கப்பட்டார்.

இந்தியாவில், வரும் நவ. 23 - டிச. 15ல் சையது முஷ்தாக் அலி டிராபி ('டி-20') 17வது சீசன் நடக்கிறது. மொத்தம் 38 அணிகள் பங்கேற்கின்றன. இத்தொடருக்கான 17 பேர் கொண்ட மும்பை அணி அறிவிக்கப்பட்டது. கேப்டனாக ஸ்ரேயாஸ் நியமிக்கப்பட்டார். ரஞ்சி கோப்பையில், 2 சதம் உட்பட 452 ரன் குவித்தார்.

உடற்தகுதி, ஒழுக்கம் தொடர்பான பிரச்னையால் ரஞ்சி கோப்பைக்கு தேர்வாகாத பிரித்வி ஷா, மும்பை அணிக்கு திரும்பினார். 'ஆல்-ரவுண்டர்'களான தனுஷ், ஷர்துல் தாகூர், அனுபவ அஜின்கியா ரகானே, சித்தேஷ் லத், தேர்வு செய்யப்பட்டுள்ளனர்.
மும்பை அணி: ஸ்ரேயாஸ் (கேப்டன்), பிரித்வி ஷா, அங்கிரிஷ் ரகுவன்ஷி, ஜெய் பிஸ்தா, அஜின்கியா ரகானே, சித்தேஷ் லத், சூர்யான்ஷ், சாய்ராஜ் பாட்டீல், ஹர்திக் தாமோர் (விக்கெட் கீப்பர்), ஆகாஷ் ஆனந்த் (விக்கெட் கீப்பர்), ஷாம்ஸ் முலானி, ஹிமான்ஷு சிங், தனுஷ், ஷர்துல் தாகூர், மோகித் அவஸ்தி, ராய்ஸ்டன் தியாஸ், ஜுனைடு கான்.