வெண்ணந்துார்: வெண்ணந்துார் அருகே, பழந்தின்னிப்பட்டியை சேர்ந்தவர் பழனிவேல், 38; ஆடுகளை வளர்த்து வருகிறார். கடந்த, 15 இரவு, வீட்டுக்கு அருகே உள்ள தோட்டத்தில், 10-க்கும் மேற்பட்ட ஆடுகளை கட்டி வைத்திருந்தார். அடுத்த நாள் காலை பார்த்தபோது, 2 ஆடுகளை காணவில்லை.

இதுகுறித்து வெண்ணந்துார் போலீசில் புகாரளித்தார். புகார்படி, 'சிசிடிவி' கேமரா பதிவுகளை போலீசார் ஆய்வு செய்தனர். அதில், 2 பேர் ஆடுகளை திருடிச் செல்வது தெரியவந்தது. விசாரணையில், வெண்ணந்துார் தங்கசாலை வீதியை சேர்ந்த கந்தசாமி மகன் தமிழரசன், 23, ராசிபுரம் அருகே, அய்யம்பாளையத்தை சேர்ந்த பழனிவேல் மகன் மனோஜ் பாரத், 35, ஆகியோர் என்பது தெரியவந்தது. அவர்களை கைது செய்தனர்.