சிதம்பரம் : சிதம்பரத்தில் நடந்த இந்திரா பிறந்தநாள் விழாவில் காங்., முன்னாள் மாநில தலைவர் அழகிரி பொதுமக்களுக்கு நலத்திட்ட உதவிகள் வழங்கினார்.


சிதம்பரம் நகர காங்., சார்பில் நடந்த முன்னாள் பிரதமர் இந்திரா பிறந்த நாள் விழாவிற்கு நகர தலைவர் மக்கின் தலைமை தாங்கினார். மாநில பொதுக்குழு உறுப்பினர் ஜெமினி ராதா வரவேற்றார்.


வட்டார தலைவர்கள் சுந்தர்ராஜன், இளஞ்செழியன், மாவட்ட இளைஞர் அணி தலைவர் அன்பரசன் உள்ளிட்டோர் முன்னிலை வகித்தனர். முன்னாள் காங்., தலைவர் அழகிரி பங்கேற்று, இந்திரா படத்திற்கு மாலை அணிவித்து, நலத்திட்ட உதவிகள் வழங்கினார்.

தெற்கு மாவட்ட தலைவர் செந்தில்நாதன் அன்னதானமும், மாநில செயலாளர் சித்தார்த்தன் இனிப்பும் வழங்கினர்.

நிகழ்ச்சியில் நிர்வாகிகள் தம்புசாமி, ரங்கநாதன், வைத்தியநாதசாமி, பார்த்திபன், மகளிரணி ஜனகம், அழகர்மாலா, நந்தினி உள்ளிட்ட பலர் பங்கேற்றனர். மாவட்ட செயலாளர் சின்ராஜ் நன்றி கூறினார்.