இடைப்பாடி: சேலம் மாவட்டம் கொங்கணாபுரம் சந்தைக்கு நேற்று, 2,900 ஆடுகளை, விவசாயிகள், வியாபாரிகள் கொண்டு வந்தனர். 10 கிலோ ஆடு, 7,050 முதல், 7,500 ரூபாய் வரை விலைபோனது. இதன்மூலம், 2.10 கோடி ரூபாய்க்கு விற்பனை நடந்தது.


இதுகுறித்து சேலம் மாவட்ட ஆடு வியாபாரிகள் சங்கத்தலைவர் பார்த்தசாரதி கூறுகையில், ''சந்தைக்கு ஆடுகள் வரத்து குறைந்து வந்தது. தற்போது ஐயப்பன் சீசன் முடியும் நிலையில் உள்ளதால், கடந்த வாரத்தை விட, இந்த வாரம், 300 ஆடுகளை அதிகமாக கொண்டுவந்தனர். அதேபோல் விலையும் ஆடுக்கு, 300 ரூபாய் வரை அதிகரித்து, விற்பனையும் சற்று அதிகரித்தது,'' என்றார்.