மேற்கு மாம்பலம்,

ஸ்ரீ சந்திரசேகரேந்திர சரஸ்வதி சுவாமிகள் டிரஸ்ட் சார்பில், 49ம் ஆண்டு மாட்டு பொங்கல் கோ பூஜை, மேற்கு மாம்பலம், காசி விஸ்வநாதர் கோவில் தெருவில் உள்ள கோ ஸம்ரக் ஷண சாலாவில், நாளை நடக்கிறது.

காலை 7:00 மணிக்கு டாக்டர் வி.ராமச்சந்திரன் குழுவினரின் மங்கல இசை, 8:30 மணிக்கு மாதங்கி சங்கர் மற்றும் குழுவினரின் தேவாரம் மற்றும் திருப்புகழ் இன்னிசை, 10:30 மணிக்கு சிறப்பு கோ பூஜை நடக்கிறது.

தொடர்ந்து, 11:00 மணிக்கு பசுக்கள் மாட வீதியில் ஊர்வலம் நடக்க உள்ளது. இதில், சென்னை ஐ.ஐ.டி., இயக்குனர் காமகோடி பங்கேற்று. சிறப்புரை வழங்க உள்ளார்.

இங்கு, வெள்ளிக்கிழமை மாலை 6:00 மணிக்கு, பக்தர்களே நேரடியாக பங்கேற்கும் கோ பூஜை, மாலை 7:00 மணிக்கு ஸ்ரீ விஷ்ணு சஹஸ்ரநாமம் பாராயணம் நடக்க உள்ளதாக, டிரஸ்ட் நிர்வாகம் சார்பில் தெரிவிக்கப்பட்டு உள்ளது.